Այդ օրը կատակով անվանում են «տղամարդու դեզոդորանտի օր», իսկ մարտի 8-ը` «տղամարդու դեզոդորանտի համար վրեժի օր»:  Եւ ուրեմն, որպեսզի տղամարդիկ հետագայում «չարդարանան», չարժե նրանց նվիրել լոգանքի համար նախատեսված հեղուկ, սափրվելու համար նախատեսված փրփուր, լոսյոն կամ շամպուն: «Նվերներ` ձեւի համար» դասակարգում ներառված են նաեւ ալկոհոլային խմիչքները, նկարների համար նախատեսված շրջանակներն ու գրիչները: Եթե դուք տղամարդու կինը չեք, այլ նրա կոլեգան կամ ընկերուհին, ապա նրան փարֆյում, գոտի կամ դիզայներական վերնաշապիկ նվիրելը եւս ճիշտ չէ: Նման իրեր ընտրում է կամ կինը, կամ էլ անձամբ ամուսինը, ապավինելով սեփական ճաշակին:

«Ամենաչար թշնամին» դա փողկապն է: Փողկապները, որոնք որպես նվեր են մատուցվում փետրվարի 23-ին, հերթապահ նվերներ են, որոնք ոչ ոք չի կրում:  Նման նվերը ցույց է տալիս, որ դուք տղամարդուն բացարձակապես ֆորմալ կերպով եք վերաբերվում: Կախազարդեր, ճարմանդներ, կրակայրիչներ կամ պարանոցի թաշկինակներ նվիրելով դուք ոչ մեկին չեք զարմացնի: Ֆիտնես-քարտ, գանտելներ նվիրելը կհուշի, որ դուք ակնարկում եք, որ հարկավոր է արտաքինը կարգի բերել:   

Տղամարդկանց ցանկալի նվերներից են, որքան էլ տարօրինակ հնչի, գրքերի հազվագյուտ հրատարակությունները, սիրելի ֆիլմերի ընտրանին:

Լավ նվերը սիրելի խմբի համերգի կամ սիրելի ֆուտբոլային թիմի տոմսն է: Իսկ ամենացանկալի նվերը տղամարդը համարում է մոմերի ներքո ռոմանտիկ երեկոն: Այսպիսի շնորհավորանքից հետո կինը կարող է լիահույս լինել, որ մարտի 8-ին կստանա ավելին, քան յասամանի հոտով դեզոդորանտը:

Փետրվարի 23,հունվարի 28...Սովետական և հայկական բանակի օր...

Խեղճ տղաներ,որոնք ոչ ծառայել են,ոչ էլ դեռ տարիքն է լրացել...Նրանց չեն շնորհավորում:Ծառացած մտածելակերպ էր,դպրոցներում տղաների տոնն էին նշում,հիմա էլ անընդհատ շեշտում են,որ նրանք չեն ծառայել...Բայց ինչ կա՞...Շնորհավորեք էլի...Ու հիմնականում դասղեկները թույլ չեն տալիս աղջիկներին դասարանի տղաների համար ինչ-որ բան գնել...Ես համակարծիք չեմ:Ճի'շտ է,նրանց տոնը չէ,բայց ես կարող եմ իրավունք վերապահել իմ և ադմինիստրացիայի անունից շնորհավորել մեր հայ տղաների տոնը..Ճիշտ է,կան վատ երևույթ տղաներ`քյարթուներ,ռաբիսներ,ալկոհոլից կախվածներ,բայց լավերն էլ կան չէ՞...Շնորհավոր լավերի տոնը :D

Ճապոնիայի ափամերձ շրջաններում տեղի բնակիչներին ցունամիներից պաշտպանելու համար կտեղադրեն տապաններ: Այսպիսի հայտարարությամբ է հանդես եկել Ճապոնիայի պետական հողերի, ենթակառուցվածքների և տրանսպորտի նախարարությունը:

Անցած տարվա մարտին 9.0 մագնիտուդով ավերիչ երկրաժարշից հետո, ափամերձ շրջանների շատ բնակիչներ չէին կարողացել փրկվել ցունամիից: Նրանց մեծամասնությունը պատսպարվել էին տանիքներին և այլ բարձր հատվածներում` կտրված լինելով արտաքին աշխարհից, գրում է vz.ru-ն:

Այսպես, Ճապոնիայի իշխանությունը նախատեսել է լրացուցիչ միջոցներ ստեղծել` մասնավորապես տապաններ` ցունամիների կրկնվելու դեպքում: Հատուկ «փրկարար» նավերից յուրաքանչյուրում տեղավորվում է 20-50 մարդ: Յուրաքանչյուր տապանում կլինի սննդի և այլ անհրաժեշտ իրերի պաշար:

Դրանք կկառուցվեն դպրոցների և ծերանոցների մոտակայքում: Տեղեկանալով հնարավոր ցունամիի մասին` մարդիկ կարող են թաքնվել այնտեղ և անցկացնել մի քանի օր: Ընդ որում նավը դիմացկուն կլինի բեկորների հարվածներին:

Հավելենք, որ Ճապոնիայի նախարարությունում նախատեսվում է պատրաստել փրկարար նավերի նախագիծը:

Ժամանակի պահանջներին համընթաց`ինովացիոն ոլորտում բազմակի մրցանակակիր և սպառողական էլեկտրոնիկայի համաշխարհային արտադրության առաջատար Samsung Electronics ընկերությունը Պրահայում ներկայացրել է վերջին նորույթները: «Samsung-ն ԱՊՀ երկրների համար» ցուցահանդես–համաժողովում, որին մասնակցել է նաև Tert.am-ի թղթակիցը, ներկայացվել են նորագույն հեռուստացույցներ, հեռախոսներ, պլանշետներ, տեսախցիկներ, կենցաղային իրեր: Մենք առանձնացրել ենք ցուցահանդես–համաժողովում ներկայացված բազմազան տեսականուց մի քանի նմուշներ։

 
Smart TV 
Ընկերությունը ներկայացրել է իր հեռուստատեսային նորույթները` Smarter Life կոնցեպցիայի երեք հիմնական ուղղությունների համապատասխան` Smart Interaction, Smart Content և Smart Evolution:

Smart Interaction-ը թույլ է տալիս Smart TV-ի տերերին հեռուստացույցի հետ փոխգործակցել ձայնային, ժեստերի ղեկավարման և դեմքերի ճանաչման տեխնոլոգիաների շնորհիվ: Բավական է միայն ասել «Բարև, TV»` ձայնի ղեկավարման գործառույթն ակտիվացնելու , կամ «Բրաուզեր»` ինտերնետին հասանելիություն ստանալու համար, իսկ նայել էջերը կամ կարգավորել ձայնի բարձրությունը կարելի է ձեռքերի շարժումով:

Smart Content-ը ներառում է անհատականացված բովանդակության տարածումը Smart TV հավելվածի միջոցով, ինչպես նաև AllShare Play տեխնոլոգիան:

Smart Evolution-ն իրենից ներկայացնում է իր տեսակի մեջ առաջին` Samsung Evolution Kit հավաքածուն:

ES8000 LED- հեռուստացույցներն ունեն բարակ շրջանակ, որն առաջին անգամ ներկայացվել է 2011թ.:Հեռուստացույցն ունի երկմիջուկ պրոցեսոր, որի շնորհիվ հեռուստադիտողը կարող է կայքէջեր նայել և միաժամանակ աշխատել կամ բեռնել մի քանի հավելվածներ:

  Ընկերությունը ներկայացրել է նաև առաջին Super OLED 55-դյույմանոց հեռուստացույցը: Samsung Super OLED ֆիրմային տեխնոլոգիան ստեղծում է առավելագույն վառ պատկեր` ցուցադրելով չգերազանցվող արագություն: Ինչպես ES8000 LED- հեռուստացույցը, այնպես էլ Super OLED-ը լիովին աջակցում են Smarter Life-ի կոնցեպցիայի երեք ուղղություններին:

SMART Wi-Fi
Samsung-ը ներկայացրել է ֆոտո- և տեսախցիկների նոր հավածաքուն` SMART Wi-Fi նորագույն տեխնոլոգիայով, որոնց շնորհիվ արվում են գերազանց մաքրության լուսանկարներ կամ տեսագրություններ` ցանկացած իրավիճակում: Wi-Fi Direct տեխնոլոգիայի շնորհիվ` լուսանկարիչները կարող են միացնել իրենց սարքը հեռախոսին կամ պլանշետին` լուսանկարների փոխանակման համար: Դրանք կարելի է նաև էլեկտրոնային փոստով ուղարկել հենց ֆոտոխցիկից:

  ... Կարդալ շարունակությունը »

Արգենտինայի մայրաքաղաքի կենտրոնում տեղի ունեցած երկաթուղային վթարի հետևանքով առնվազն 49 մարդ զոհվել և 550 մարդ վիրավորվել է, այս մասին հաղորդում է BBC-ն:

Դեպքը տեղի է ունեցել առավոտյան պիկ ժամին` Բուենոս–Այրեսի կենտրոնի Once երկաթուղային կայարանում:

Ըստ տեղեկությունների, գերծանրաբեռնված բազմամարդ գնացքը, չկարողանալով արգելակել` բախվել է արգելափակոցներին:

Տեղական իշխանությունների նախնական պաշտոնական տվյալների համաձայն` տասնյակ մարդիկ դեռևս փակված են ճզմված վագոններում, երբ հնարավոր լինի այդ վագոններում գտնվողներին հասնել` զոհերի թիվը կարող է աճել:

 

Süddeutsche Zeitung-ը` Գերմանիայի խոշորագույն օրաթերթը, անդրադառնալով Բաքվում սպասվող «Եվրատեսիլ» երգի մրցույթին` գրում է, որ Ադրբեջանը ցանկանում է մրցույթը քաղաքական նպատակներով օգտագործել: Ըստ թերթի` Ադրբեջանը հոյակապ, բայց ավտորիտար երկիր է, իսկ մրցույթը հեռարձակող հեռուսատաալիքներին կոչ է անում չմոռանալ, որ դժվար է լինում զանազանել երաժշտությունն ու քաղաքականությունը:

Այնուհետև նկատվում է, որ Ադրբեջանի վրա այս մրցույթի կազմակերպչի դերը գործնականորեն օդից է ընկել, ի տարբերություն նույնպես ոչ ժողովրդավարական Ղազախստանի, որի վրա Արևմուտքը, միանգամայն գիտակցված, 2 տարի առաջ դրեց ԵԱՀԽ-ն նախագահող երկրի պարտականությունները:

Թերթը նկատում է, թե Ադրբեջանի իշխանությունները, բնականաբար, ցանկանում են Եվրոպային ի ցույց դնել փայլուն ու բաց երկիր, որը կարող է գլուխ բերել նման բարդ միջոցառման կազմակերպումը: Բայց դրա հետ մեկտեղ հիմա ջրի երես են դուրս գալիս շատ այնպիսի բաներ, որոնք մինչ այժմ Եվրոպայում հազիվ թե որևէ մեկին հետաքրքրեին, առավել քիչ` երաժշտական աշխարհին. այնտեղ բացակայում է մամուլի ազատությունը, վարչակարգի քննադատությունը, քաղաքական հակառակորդներին հետապնդում են, իսկ ժողովրդավարության մասին ընդհանրապես խոսք լինել չի կարող:

Նաև բնակելի շենքեր են քանդվում. հազարավոր մարդիկ են տեղահանվել, որպեսզի մրցույթը հնարավոր լինի անցկացնել փքաշուք դահլիճում:

Թերթը հիշում է մի ադրբեջանական թերթի ասածը, որը Մարդու իրավունքների հարցերով Գերմանիայի կառավարության լիազոր ներկայացուցչին «հարբած» էր անվանել, երբ նա Ադրբեջանից պահանջել էր ազատ արձակել քաղբանտարկյալներին:

Այնուամենայինվ, Süddeutsche Zeitung-ը կարծիք է հայտնում, թե մրցույթի բոյկոտումը երգիչների կողմից քիչ օգուտ կտար. դրանից ռեժիմը քննադատողների համար թերևս ավելի հեշտ չէր լինի: Սակայն, ճիշտ չէ նաև այն, նկատում է հոդվածագիրը, որ ARD հեռուստաընկերությունն ու Եվրոպական հեռարձակողների միությունը առաջվա պես երդվում են, թե երաժշտությունն ու քաղաքականությունը տարանջատված են: Նրանք խոսում են զուտ երաժշտական միջոցառման մասին` ստիպելով, որ դա նվաղի ստերիլ ապաքաղաքականածվածության միջև:

Բաքվի իշխանությունները չեն կարող պատշաճ կերպով տարանջատել երկու բաղադրիչները, եզրակացնում է Süddeutsche Zeitung-ը, ընդհակառակը նրանք ցանկանում են «Եվրատեսիլն օգտագործել» իրենց քաղաքական նպատակների համար: Այնուհետև գերմանական հեռարձակող հեռուստաալիքին կոչ է արվում առնվազն առանց ամաչելու քննադատել դրությունն Ադրբեջանում և մանրամասն հայտնել ծրագրված այլընտրանքային` Sing for democracy հակաեվրատեսիլյան նախաձեռնության համերգի մասին:
 

Ինչու° մեր ուսուցիչները ավելի բարձր գնահատում են ծնողների տնային աշխատանքը, քան երեխաների:

Ընդհանրապես կարծրատիպեր ձևավորվում են մարդու կյանքի ընթացքում ձեռք բերվող փորձի ընթացքում: Օրինակ` ինչպե°ս է իրեն զգում երեխան, երբ առաջին դասարանում նրան հանձնարարում են նկարել «Աշուն», խրախուսում են ինքնուրույն աշխատանքը, սակայն ամենաբարձրը գնահատվում է ինչ-որ մեկիմայրիկի կամ հայրիկի նկարը: Ոչինչ չունեմ ասելու, 40 տարեկան մարդը նույնիսկ առանց նկարչական կրթության կնկարի ավելի լավ, քան 7 տարեկան երեխան: Բայց դպրոցում երեխաների աշխատանքը պիտի գնահատվի, ոչ թե ծնողինը: Ընդ որում` ավելի հետաքրքիր է այն, որ ուսուցիչները օրինակ են բերում այն երեխայի աշխատանքը, ում տեղը նկարել են ծնողները…

Կամ նման ձևով ավելի բարձր գնահատվում են այն շարադրությունները, որոնք գրվել են աշակերտների ծնողների կողմից: Կարո°ղ եք բացատրել պատճառը…

Այս անգամ որոշեցի գրել բոլոր մարդկանց և, ինչու չէ, կանաց բնորոշ ժեստերի մասին:

Եթե մարդկանց խմբում կա համաձայնություն, ապա խմբի անդամները կրկնում են միմյանց ժեստերը: Ընդ որում` եթե խմբում կա տարաձայնություն որևէ հարցի շուրջ, ապա խմբի յուրաքանչյուր անդամ ենթագիտակցորեն կրկնում է խմբի այն անդամների ժեստերը, ում հետ համաձայն է: Եթե խմբում բոլորը փորձում են կրկնել որևէ մեկի ժեստերը, ապա նա, ամենայն հավանականությամբ, խմբի լիդերն է կամ նրա կարծիքը խմբի համար որոշիչ է:

Եթե կինը նստած դիրքում ծնկները իրար սեղմել է և փոքր-ինչ թեքել /ոչ իր զրուցակցի կողմը, ապա ստիպված եմ հիասթափեցնել. նա ցանկություն չունի շարունակել զրույցը: Իսկ եթե դրանից բացի կինը ձեռքերով գրկել է գոտկատեղը կամ ուղղակի խաչել է կրծքին, ապա զրուցակիցը, ամենայն հավանականությամբ, նրան դուր չի գալիս կամ տհաճություն է պատճառում:

Մի հետաքրքիր ժեստ էլ: Էգոիստ կանայք նստում են ոտքը ոտքին գցած և երկու ձեռքով «գրկում» են ծունկը:

Ընդհանրապես ձեռքերը կրծքին խաչելը կամ գոտկատեղը գրկելը ինքնապաշտպանական և փակ դիրք է, որով անձը փորձում է իրեն մեկուսացնել արտաքին աշխարհից: Այնպես որ զրույցի ընթացքում ուշադիր եղեք նման ժեստի նկատմամբ:

Եթե մարդը մի ձեռքով բռնել է մյուս ձեռքի արմունկը կամ դաստակը, ապա նա հիմա հուզական կամ հոգեպես անհավասարակշիռ վիճակում է: Այս ժեստը` ինքդ քո ձեռքից բռնելը, անվանում են ծնողի ներկայության էֆեկտ, այսինքն` մարդը փորձում է ինքն իր ծնողի դերը կատարել` սեփական ձեռքը բռնելով, որպեսզի իրեն ապահով և պաշտպանված զգա: Նման ժեստ մարդկանց մոտ ավելի հաճախ հանդիպում է հուսահատության պահերին: Համարժեք է այլ իրով «պաշտպանվելը», օրինակ` պայուսակով կամ գրքերով:

Որոշեցի գրել աչքերի և հայացքի միջոցով «մարդուն կարդալու» տարբերակների մասին: Թերևս սրանք ավելի բարդ է կիրառել, եթե փորձ չունես կամ մասնագետ չես, բայց ժամանակի ընթացքում շատ հաճախ պետք է գալիս…

Բացակայող հայացք — լինում է այն պահերին, երբ մարդը կենտրոնացած մտածում է:

Հայացքը սահում է շրջակա առարկաների վրայով, ապա ուղղվում դեպի առաստաղ — զրույցի նկատմամբ հետաքրքրության անկում:

Համառ հայացք ուղիղ աչքերի մեջ, երբ նայողի բիբերը փոքրացած են — վերադաս լինելու ցանկություն, սակայն ավելի հաճախ նշանակում է թշնամություն, հատկապես եթե ուղեկցվում է ձեռքերը բռունցք դարձնելու, ատամները սեղմելու կամ վերևի շրթունքը թեթևակի վեր քաշելու ժեստերով (այնպես, ինչպես կենդանիներն են ցույց տալիս ատամները թշնամուն վախեցնելու համար):

Նախորդի նման հայացք, սակայն լայնացած բիբերով — սեքսուալ ձգողության նշան է:

Եթե հայացքը «փախցնում են» և իջեցնում ներքև — ստի կամ ամոթի նշան է:

«Կողքից» հայացք (հատկապես երբ զրուցակիցը դեպի ձեզ կանգնած է մի փոքր թեք, այսպես ասած` միշտ պատրաստ շրջվելու և վազելու) — անվստահության նշան է:

Զրուցակիցը հայացքը մեկ փախցնում է, մեկ նորից նայում ձեզ — անհամաձայնության և անվստահության նշան է (անվստահություն դեպի մասնագետ կամ խրատող, խորհուրդ տվող անձը):
Որպես կանոն հայացքի և աչքերի միմիկան պետք է ուղեկցվի նաև մարմնի այլ հատվածների ժեստերով, որպեսզի տվյալ վերաբերմունքը կամ էմոցիան լինի միանշանակ: Այլ կերպ ասած` միմիկայի փոփոխությունները միշտ կարող են կապված լինել որևէ ֆիզիկական կամ հոգեկան ցավի, ինչպես նաև հիշողությունների հետ:
Ժեստերի մասին հաջորդ հոդվածում կներկայացնեմ միմիկայի և ժեստերի սխալ մեկնաբանության հետևանքների մասին պատմություններ:
Ժեստերի լեզուն հոդվածների շարքից կարող եք կարդալ նաև: 

Հոդվածում անդրադարձել եմ տղամարդկանց ժեստերին:

• Եթե տղամարդը նստած է ոտքերի թաթերը դեպի ներս: Սա նշանակում է, որ նա իրեն փոքր-ինչ անվստահ է զգում: Օրինակ` եթե տղամարդը նման ձևով նստում է Ձեզ մոտիկ, ապա ուզում է ծանոթանալ, սակայն կասկածում է, որ կմերժեք:
• Եթե խոսելիս ակտիվ օգտագործում է ձեռքերը: Նման տղամարդիկ շատ լավ զրուցակից են, իսկ որպես զուգընկեր շատ ուշադիր են ու մեծահոգի:
• Եթե տղամարդը ուսերով ու կրծքով թեքված է դեպի Ձեզ անկախ նրանից, թե ուր է նայում, ապա, Դուք տվյալ պահին նրա համար ամենակարևոր մարդն եք /անկախ նրանից դուք մտերիմ ընկերներ եք, սիրահար զույգ, թե ուղղակի ծանոթներ/:
• Եթե տղամարդը սովորականից ավելի մոտ է կանգնում Ձեզ: Սովորական հեռավորությունը տղամարդու համար 35-45սմ է: Ձե անձնական տարածք ներխուժելը նշանակում է Ձեզ հետ մտերմանալու ցանկություն /նաև ֆիզիկական իմաստով/:
• Եթե տղամարդը ժպտում է միայն շուրթերի ծայրով /ատամները կամ չեն երևում կամ քիչ են երևում/: Տղամարդիկ ավելի քիչ են հակված էմոցիաները բուռն արտահայտելուն, քան կանայք: Այնպես որ նշվածը միանգամայն լայն ժպիտի «թաքուն» տարբերակն է: Դա նշանակում է, որ Ձեր ներկայությունը նրան հաճելի է /հնարավոր է, որ միայն որպես լավ զրուցընկեր/:
• Եթե տղամարդը ձեռքերը տանում է գրպանը` դուրս թողնելով մեկ կամ մի քանի մատ, կամ ձեռք է տալիս գոտուն, ապա նա փորձում է Ձեր ուշադրությունը ուղղել իր մարմնի այդ հատվածին:))) Իհարկե, բացի այն դեպքից, երբ գոտին կամ շալվարը շատ թանկ արժեն կամ Ձեր զրուցընկերը համասեռամոլ է:
• ... Կարդալ շարունակությունը »

Իրականում տարին կամ համաստեղությունը կապ չունի: Կարևոր է խնայողությունների մասին մտածել տարվա հենց սկզբից:  Առհասարակ ԽՆԱՅԵԼ նշանակում է կրճատել ոչ խելամիտ ծախսերը` հօգուտ ապագա խելամիտ ծախսերի (ոչ թե սովամահ լինել iPhone գնելու համար):

1. Որպեսզի հասկանանք, թե ինչպես կարելի է խնայել, պետք է գիտակցենք, թե որտեղ ենք գտնվում: Ինչքան եք վաստակում և ինչքան եք մտադիր խնայել յուրաքանչյուր վարձատրությունից (սովորաբար աշխատավարձից): Մարդիկ ավելի հաճախ մտովի նվազեցնում են իրենց ծախսերը: Երբեմն նաև այս պահին կատարում են ոչ հրատապ կամ ոչ անհրաժեշտ ծախսումներ` ապագայում ավելի շատ խնայելու ինքնախոստումով, որը, սակայն, մոռանում են:

2. Կախեք/անջատեք հեռախոսը: Խոսքը ոչ միայն անիմաստ երկար խոսակցությունների մասին է, այլև մի քանի հեռախոս ունենալու: Եթե առանձնապես կարիք չկա մի քանի հեռախոս պահելու, ապա կրճատեք դրանց քանակը: Խնայողությունների լավ տարբերակ է նաև կաբելային հեռուստաալիքների թվի կրճատումը, քանի որ, համոզված եմ, որ ցանկացածս դիտում ենք առավելագույնը 20-25 ալիք:

3. Գնահատեք իսկական կարիքները: Օրինակ, եթե ունեք տունը ջեռուցելու խնդիր, ապա պարտադիր չէ անհավանական տոկոսային ՕԳԳ ունեցող կաթսա գնել: Ձեր բնակարանը փոքր է, տեղաբաշխված այնպես, որ նույնիսկ ձմեռները առանց ջեռուցման տաք է լինում, ապա կարող եք ուղղակի փոքրիկ ջեռուցող սարք ձեռք բերել, ինչը էական խնայողություն կլինի: Կարող եք որոշ ծառայություններից օգտվել ինտերնետով, անջատել հեռուստացույցը, ջուրը և այլ պարագաներ, որոնցից տվյալ պահին չեք օգտվում: Կենցաղում խնայելու շատ մեթոդներ կան:

4. Սուպերմարկետ` ցուցակով: Այցելեք սուպերմարկետ նախօրոք կազմված ցուցակով: Արդյունքում միանգամից կնվազի անիմաստ գնումների քանակը:

5. Կերեք լավ, խնայեք լավ: Գնեք այնքան, որքան ուտելու եք: Մի գնեք ավելորդ կերակուրներ կամ պահածոներ: Բացի այդ տանը եփելը մի քանի անգամ ավելի էժան է դրսում սնվելուց: Ճիշտ սնունդ օգտագործելով` ապագայում կխնայեք նաև դեղերի և բժիշկների վճարների վրա:

6. ԱՊՊԱ: Շատ պարզ է: Ինչքան լավ վարորդ լինեք, այնքան քիչ կվճարեք, առավել ևս երբ Բոնուս-Մալուս համակարգը ներդրվի: Դրա շնորհիվ այն վարորդները, ովքեր քիչ պատահարներ են ունեցել կամ չեն ունեցել, ավելի քիչ ապվճարները կվճարեն:

7. Մանր-մունր: Խուսափեք մանր-մունր բաներ գնելուց: Հատկապես մեծ խանութներում կամ սուպերմարկետներում: Ապրանքների արժեքը առանձին-առանձին մեծ չէ, բայց ընդհանուր հաշվարկներով դրանց տոկոսը գնումների մեջ կազմում է մոտ 30%: Իսկ եթե դրան տաք նաև թվային արժեք, կպատկերացնեք, թե ինչքան կարելի է խնայել:

3DNews ՏՏ Լրատվական – TechCrunch-ի հաղորդմամբ – Facebook սոցիալական ցանցը մշակում է լուսանկարների դիտման նոր տարբերակ: Facebook-ի Լուսանկարների դիտարկիչը նման է Google+ սոցիալական ցանցի լուսանկարների դիտարկիչին:

Ըստ TechCrunch-ի, այսպես Facebook-ը փորձում է օգտագործողների ուշադրությունը կենտրոնացնել ոչ միայն նկարի, այլև մեկնաբանություններ թողնելու վրա։ Ակնհայտ է, որ այն բոլոր նորամուծությունները, որոնք կատարում է Facebook-ը, շատ վաղ եղել են Google+ սոցիալական ցանցում:

Ըստ socialbakers.com վերլուծական-վիճակագրական ծառայության տվյալների՝ Facebook-ն ունի ավելի քան 800 միլիոն ակտիվ օգտագործող, որից 300 000-ը հայաստանյան օգտագործողներն են:

3DNews ՏՏ Լրատվական – Շատերի մոտ՝ ովքեր օգտագործում են iPhone, կամ հետաքրքրված են iPhone-ով, վաղուցվանից հարց է առաջացել – ինչու՞ է iPhone-ի բոլոր գովազդային նկարներում 9:42 ժամը գրված: Redmondpie.com կայքը տեղեկացնում է այն հարցի պատասխանի մասին, որը շատ մարդկանց հետաքրքիր է:

Ինչպես նշել է Apple ընկերության նախկին աշխատակից Բոբ Բորչերը`իրականում դա այնքան էլ խորհրդանշական բնույթ չի կրում: «iPhone-ի առաջին ներկայացման ժամանակ, երբ ցուցադրվել էր հեռախոսի կոնցեպտը, անհրաժեշ էր ինչ-որ ժամ գրված լիներ և պատահականորեն գրվել է 9:42-ը» – ասել է նա:
Միլիոնավոր iPhone-ի օգտագործողներ հիասթափություն են ապրել այս ամենը լսելուց հետո, քանի որ նրանք ավելի յուրահատուկ պատասխանի են սպասել երկար ժամանակ: Այս նույն երևույթը կարելի է նկատել նաև iPad-ների և iPod-ների նկարներում, որտեղ նույնությամբ նշված է 9:42 ժամը:

3DNews ՏՏ Լրատվական – The Wall Street Journal օրաթերթը տեղեկացնում է, որ Apple ընկերությունը չինական արտադրողների հետ պատրաստում են 8 դյույմանոց էկրանով պլանշետ: Ըստ The Wall Street Journal-ի՝ նոր պլանշետի էկրանի պիքսելային թույլատվությունը կլինի՝ 1024×768:

Այսպիսի էկրանի թույլատվություն ունի նաև iPad 2-ը: Միևնույն ժամանակ iPad-ի երրորդ սերունդը (iPad 3-ը), արտաքինից այնքան էլ չի տարբերվի iPad 2-ից: Ըստ տարածված լուրերի, հավանաբար iPad 3-ն ունենալու է 2048×1536 պիքսելային թույլատվությամբ էկրան և երկարադիմացկուն մարտկոց։

Այս նոր՝ 8 դյույմանոց էկրանով պլանշետի շնորհիվ, Apple ընկերությունը կկարողանա ավելի հաջող մրցակցել Google ընկերության Android օպերացիոն համակարգով աշխատող պլանշետների հետ: Ըստ WSJ-ի (The Wall Street Journal)՝ Apple-ը մշտապես սարքերի նախատիպեր է մշակում, որոնցից ոչ բոլորն են ուղարկվում արտադրության:

Ներկայումս iPad պլանշետներն ամուր պահում են առաջատարի դիրքերն իրենց սեգմենտում` վերահսկելով նման սարքերի համաշխարհային շուկայի մոտ 60 տոկոսը:

3DNews ՏՏ Լրատվական – Ճապոնական FaithPC ընկերությունը ներկայացրեց իր՝ բարձր տեխնիկական հատկություններով խաղային նոութբուքը, որը տարբերվում է այդ մակարդակի նոութբուքերի շարքում:

High-End մոդելի նոութբուքը, որը ստացել է GXT P170HBD-G580 TWIN-Drive SSR2 անվանումը, նախատեսված է խաղացողների համար: Այս խաղային նոութբուքի «սիրտը» համարվում է՝ Intel Core i7-2969XM Extreme Edition պրոցեսորը: Այն ունի 17.3 դյույմանոց էկրան և համապատասխանաբար 1920 х 1080 էկրանի պիքսելային թույլատվություն: Օպերատիվ հիշողությունն է՝ 16 ԳԲ:

Հզոր գրաֆիկական համակարգն ապահովում է՝ NVIDIA GeForce GTX 580M 2 ԳԲ հիշողությամբ գրաֆիկական քարտը: Նոութբուքը համալրված է անլար ինտերնետի՝ Wi-Fi համակարգով, Gigabit Ethernet և Bluetooth համակարգերով: Նորույթի գինը կազմում է 3.000 եվրո:

DNews ՏՏ Լրատվական – Ըստ չինական մամուլում տարածված լուրերի, Apple ընկերության Siri ձայնային կառավարման համակարգը, որը տեղադրված է iPhone 4S-ում հնարավոր է շուտով համալրվի ճապոներենով, ռուսերենով և չինարենով։ Եվ այս նորամուծությունը հնարավոր է գործարկվի մարտ ամսին:

Չինական լրատվամիջոցի գաղտնի աղբյուրը նշել է, որ թեստային աշխատանքները նոր լեզուների սկսված են։ Պետք է նշել, որ ըստ լուրերի մարտ ամսին Apple-ը ներկայացնելու է իր երրորդ սերնդի պլանշետային համակարգիչը՝ iPad 3-ը, որը նույնպես իր մեջ ունենալու է Siri ձայնային կառավարման համակարգը։

Siri ձայնային կառավարման համակարգը Apple ընկերությունը թողարկեց iPhone 4S-ի հետ միասին։ Այն հասկանում է անգլերեն, գերմաներեն և ֆրանսերեն լեզուները։ Apple-ը խոստացել է, որ այն հնարավոր կլինի օգտագործել նաև կորեերեն, չինարեն, ճապոներեն, իտալերեն և իսպաներեն 2012-ին։

Երբ առաջին անգամ պիտի մասնակցեի ընտրություններին, բոլոր ծանոթներս միաբերան պնդում էին, որ անիմաստ է, միևնույնն է իմ քվեից ոչինչ կախված չէ և այդպես շարունակ:

Քանի որ առանձնապես քաղաքական նախընտրություններ չունեմ, ապա սկզբում մտածում էի, որ գուցե իսկապես գնալն իմաստ չունի: Բայց գնացի և քվեարկեցի:

Իսկ հետո հասկացա, որ իրականում խնդիրը քաղաքական նախընտրությունները չեն, ոչ էլ այն 5 կամ 10 րոպեն, որի ընթացքում շատերը ուղղակի 5 կամ 10 րոպե ավել պիտի հեռուստացույց դիտեին: Խնդիրը քո կարծիքն է և հավատը: Գուցե քչերն են հավատում, որ իրենց ձայնը ինչ-որ բան կփոխի, բայց արդյունքում այդ քչերը ավելանում և դառնում են բնակչության զգալի մաս: Իսկ հետո իզուր է բողոքելը, որ քվեաթերթիկները "լցնում են”: Գնայիք, քվեարկեիք և ամենաքիչը ուղղակի "կզբաղեցնեիք” ձեր քվեաթերթիկը: Մյուս կողմից էլ մարդիկ, փաստորեն, չեն կարևորում իրենց կարծիքը: Իզուր: Ունեցեք կարծիք և արտահայտեք այն:

Եթե դուք պահանջում եք պետությունից լինել բարեխիղճ բազմաթիվ հարցերում, ուրեմն դուք էլ ամենաքիչը պարտավոր եք հենց այդ պետության ղեկավար օղակի ընտրության դեպքում բարեխղճորեն մասնակցել ընտրություններին:

3DNews ՏՏ Լրատվական – Բրիտանական iTV հեռուստաընկերությունը նախազգուշացնում է Apple-ին իր ապրանքանիշի անվան մասին: iTV-ն հայտարարել է, որ թույլ չի տա իր հեռուստաընկերության անվանման օգտագործումը Apple-ի սեփական արտադրության հեռուստացույցների վրա:

Սպասվում է, որ Apple-ի «խելացի-հեռուստացույցները» լույս կտեսնեն այս տարվա ընթացքում և միակ համապատասխանող անվանումը նրանց համար կլինի iTV անվանումը: Սակայն Apple երբեք չի հաստատել այս անվանումը իր հեռուստացույցների համար: Որոշ ժամանակ առաջ ընկերության՝ հեռուստացույցների առաջին հայտարարության ժամանակ ընդունվել է չո թե iTV, այլ Apple TV անվանումը:

Սակայն այս անվանումը դեռ վերջնականը չէ և հենց այս առիթով էլ iTV հեռուստաընկերությունը նախազգուշացրել է Apple-ին: Ըստ լրատվամիջոցների տեղեկացման, Apple TV-ն համալրված կլինի ընկերության արտադրած A5/A6 պրոցեսորով: Կկառավարվի iOS օպերացիոն համակարգի հատուկ տարբերակով և Siri ձայնային համակարգով: Apple TV-ի միակ հակառակորդը Google ընկերության՝ Google TV-ն է, որը կատարելագործվում է օրեց-օր, սակայն այն չի գրավել գնորդների բավարար ուշադրությանը:

Երազում տեսնում ենք միայն այն, ինչ գիտենք: Երազներում հաճախ տեսնում ենք անծանոթ մարդկանց, որոնք որոշակաի դերեր են խաղում: Իրականում նրանք բոլորը գոյություն ունեն: Մեր ենթագիտակցությունը հիշում է բոլոր մարդկանց, որոնց մենք երբևէ տեսել ենք: Օրինակ` այսօր տեսած երազի մարդասպանը կարող է այն վարորդը լինել, որին Դուք տեսել եք, երբ չորս տարեկանում մայրիկի հետ գնում էիք հյուր: Եվ քանի որ ամեն օր մենք տեսնում ենք հազարավոր դեմքեր, մեր երևակայությունը դրանք հորինելու կարիք չունի, նա ուղղակի վերցնում է արդեն գոյություն ունեցող կերպարների:

Ոչ բոլորն են գունավոր երազներ տեսնում: Ոչ կույր մարդկանց 12% տեսնում է միայն սև ու սպիտակ երազներ: Մնացած մարդիկ տեսնում են գունավոր երազներ: Բացի այդ, մարդիկ սովորաբար միմյանց նման իրավիճակներ են տեսնում /դեպքեր դպրոցում, հետապնդման մեջ լինել, վազել, ընկնել, կենդանի մարդուն մահացած տեսնելը, վթարներ, սեքսուալ բնույթի երազներ և այլն/: Մինչև այժմ դժվար է ասել` արդյոք <ծանր> երազները /դաժանություն, մահ և այլն/ ավելի շատ գունավոր երազներ տեսնող մարդու էմոցիոնալ դաշտի վրա են ազդում, թե սև ու սպիտակ երազներ տեսնող մարդկանց:

Երազները ունեն ոչ ակնհայտ իմաստ: Երազները խոսում են սիմվոլների օգնությամբ:
Դրանք նման են բանաստեղծության, որտեղ, օրինակ, մրջյունը նշանակում է շատ աշխատասեր մարդ: Մենք երբեք չենք համեմատում նույնը նույնով. <Այս գեղեցիկ մայրամուտը նման է գեղեցիկ մայրամուտի>: Այնպես էլ երազները երբեք նույնը նույնով չեն արտահայտում: Փնտրեք սիմվոլների մեկնաբանման Ձեր անձնական տարբերակը:

Արտաքին աշխարհի ազդեցությունը երազի վրա: Այս երևույթի հետ շատերս առնչվել ենք, երբ իրական աշխարհի ազդակները, ձայները կամ շարժումները տեղափոխվում են երազի մեջ: Օրինակ, երբ դուք ծարավ եք, ապա շատ հնարավոր է, որ երազում նույնպես ծարավ լինեք կամ ջուր խմեք:

Երազ տեսնելիս մարդը պարալիզվում է: Սրա ամենատրամաբանական բացատրությունն այն է, որ ուղեղը պաշտպանում է մարմինը վնասվածքներից, որպեսզի երազում տեղի ունեցող շարժումները մարդը չկատարի նաև իրական աշխարհում և չվնասի իրեն:

Մղձավանջներ: Մղձավանջներ տեսնելու պատճառներից մեկը ենթագիտակցության
ազդակներն են մարդուն` գոյություն ունեցող /գուցե թաքնված/ խնդիրների մասին զգուշացնելու
... Կարդալ շարունակությունը »

1. HUYS HAVAT KAYFAVAT
2. RABIZ
3. Shutov…. statuss kpokhem   ​ ​
4. Անավարտ մնաց մեր պատմությունը, Փակեցինք գիրքը նույնիսկ չբացաց, Իսկ այնտեղ այնքան գեղեցիկ տողեր, Այնքան երջանիկ,հաճելի պահեր, Գուցե արցունքներ,գուցե ժպիտներ, Կարող էին լինել, Բայց դեռ չկար ՍԵՐ. Երկու ուղիներ,տարբեր հայացքներ, Մեկը սիրտ ուներ,իսկ մյուսը չու
5. UNEM NIVA, XMUM EM PIVA, HAMARS VIVA, MOTS EL KLOR TIVA ​ ​
6. lav txeq enq u pntrum enq lav axjikner
7. ՕՏԱՐ ԵՐԿԻՐԸ ՀԱՅՐԵՆԻՔ ՉԻ ԴԱՐՆԱ!!! ​ (Հայրենասերներին կխնդրեի ավելի ուշադիր լինել հայոց լեզվի ուղղագրության հարցում)​
8. … կամ ………
9. TXANERI SER@ AYS KYANQUM NMAN E GNACQI, AMEN MI NOR KANGARUM NOR UXEVOR E PNTRUM ​ ​
10. urax status կամhognac status կամ status…
11. Sirir vor sirvaT lines (սիրիր, որ սիրվատ լինես)
12. Ovor hamars uzec u 200 dram chuxarkec ***a, karoxa jogel eq saxin petqa hamars tam ​ ​ ... Կարդալ շարունակությունը »

Ներբեռնեք  ստորև նշված երգերը մեկ ֆայլում , նաև երգերի հետ մեկտեղ  կան բոլոր  երգերի բառերը :

01. Katya Ryabova – Kak Romeo i Dzhulyetta (Romeo and Juliet) (Russia)
02. Amanda Bashmakova – Mēness suns (Moondog) (Latvia)
03. Lerika – No, no (Moldova)
04. Dalita Avanesyan – Welcome to Armenia (Armenia)
05. Ivan Ivanov – Supergeroy (Superhero) (Bulgaria)
06. Paulina Skrabytè – Debesys (The clouds) (Lithuania)
07. Kristall – Evropa (Europe) (Ukraine)
08. Dorijan Dlaka – Zimi ovoj frak (FYR Macedonia)
09. Rachel – Teenager (The Netherlands)
10. Lidiya Zablotskaya – Angely dobra (Belarus)

Բեռնել ամբողջը >>>

Ուսանողներին դասավանդող անձանց համար հատուկ գրում եմ այս հոդվածը, որպեսզի անկանխատեսելի իրավիճակում համապատասխան հակահարված տան:

1. Ամենաառաջին օրվանից սկսեք հաշվել օրերը մինչև քննությունները:
2. Ամեն ինչ համեմատեք (կամ բացատրեք) ինչ-որ տափակ երևույթի հետ: Օրինակ` պոկեմոնների:
3. Տուգանեք ուսանողներին 100 դրամով ամեն անգամ, երբ նրանք կխոսեն, իսկ կիսամյակի (տարվա) վերջում Ձեզ նոր հեռախոս (մեքենա) գնեք ու ասացեք, որ հավաքած փողի հաշվին եք ձեռք բերել:
4. Դասախոսության ժամին սեմինար արեք, իսկ սեմինարի ժամին` դասախոսություն:
5. Միացրեք որևէ լուրերի թողարկման ձայնագրություն և "մոռացեք”, որ միացրել եք:
6. Օտար լեզվի ժամին խոսեք անհասկանալի, գոյություն չունեցող լեզվով, ընթացքում օգտագործելով հայտնի բառեր…
7. Երբ ուսանողները ասում են "Կարո°ղ ենք դուրս գնալ” , զարմացած նայեք ուհարցրեք. "Իսկ ես ի°նչ իմանամ` կարող ես, թե ոչ: Ոտքերդ չեն ցավու°մ”:
8. Ամեն դասը սկսեք կամ ավարտեք Ձեր կյանքից ինչ-որ պատմությամբ: Ցանկալի է, որ դա լինի շատ տափակ ու կրկնվող պատմություն:
9. Երբ ուսանողը բարձր գնահատական է խնդրում, առեղծվածային ձայնով պատասխանեք. "Նախ առհասարակ գնահատական է պետք ստանալ”…
10. Երբ ուսանողը հարցնում է, թե ինչպես կարող է բարելավել իր գնահատականները, պատասխանեք, որ նա պետք է ժամանակի մեքենա ստեղծի, գնա անցյալ և տնային աշխատանք անի:
11. Երբեք մի գնահատեք ուսանողի պատասխանը կամ գնահատեք, բայց մի անցկացրեք մատյան: Իսկ հետո պատճառաբանեք, որ մոռացել եք, կարևորը գիտելիքն է ու թող նույն ուսանողը նորից պատասխանի:
12. Որևէ ուսանողի (եթե նա հետևել էր ինչպես դասախոսին հասցնել ինֆակտի հոդվածի ցուցումներին) այլ անունով դիմեք: Օրինակ` Պարգևին "Վրեժ”:
13. Օգտագործեք սխալ անվան մի քանի տարբերակներ: Վրեժիկ, Վրո, Վրեժուլիկ…
14. Հարց տվեք ուսանողին և անմիջապես պատասխանեք Ձեր հարցին: Իսկ հետո բողոքեք, որ ուսանողը ոչինչ չգիտի:
15. ... Կարդալ շարունակությունը »

3DNews ՏՏ Լրատվական – Microsoft կորպորացիան շարունակում է իր քարոզարշավը՝ Hotmail-ի վստահությունը օգագործողների մոտ բարձրացնելու նպատակով: Windows Live-ի պաշտոնական բլոգում հրապարակված հաղորդագրությունում մանրամասնորեն նկարագրվում է, թե ինչպես է Hotmail-ը կատարում սպամ նամակների ֆիլտրացում:

Նամակների ֆիլտրացման ուսումնասիրությունը անցկացրել է Cascade Insights ընկերությունը: Ուսումնասիրության արդյունքները ցույց են տալիս, որ Hotmail-ն ավելի լավ է սպամ նամակների ֆիլտրացում կատարում, քան Gmail-ը: Հետաքրքիր է, որ Cascade Insights ընկերությունը այս ուսումնասիրությունը անցկացրել է 2009 թվականին, որի արդյունքում լավագույն անտիսպամ համակարգն ուներ Gmail-ը:

Իսկ ներկայիս ուսումնասիրությունով Hotmail-ը գերազանցեց իր պաշտպանվածությամբ Gmail-ին: Վերջին տարիների ընթացքում Hotmail-ն իր անտիսպամ համակարգը բարելավել է SmartScreen տեխնոլոգիաների շնորհիվ: Ըստ Microsoft-ի՝ Hotmail-ի օգտագործողները տեսնում են իրենց «Inbox» թղթապանակի անցանկալի նամակների միայն 3 տոկոսը: Եվ դա շնորհիվ SmartScreen տեխնոլոգիաների: