Այն ինչ երազանք է թվում մեզ համար, պարզվում է մենք այն պարտավոր ենք անել: Հմմմմմմ: Ընթերցենք: Սիրել կյանքն ու դրական տրամադրվել դրա հանդեպ Արթուն մնալ ողջ գիշեր ու նայել աստղերին Լինել չորս օվկիանոսների ծովերում Փախչել հսկայական շնից, իսկ հետո ընկերանալ նրա հետ Աճեցնել ծաղկող կակտուս Գնել MP3-փլեյեր և հսկայական հեռուստացույց Պահել կատու կամ շուն Լինել Փարիզում Տարօրինակ կտրվածք անել Կորցնել ընկերոջն ու նրան հետ բերել Թրջվել անձրևի տակ Տան կտուրին ռոմանտիկ ընթրիք կազմակերպել Շոյել վագրի Լուսանկարել ծովափի լուսաբացը Մի քանի օր միայնակ լինել Հարբել տնօրենի հետ ու անկեղծ զրույց ունենալ Փրկել ինչ-որ մեկին Այցելել մանկատուն Թռչել օդապարիկով Հոլանդիայում թմրանյութ գնել Ինչ-որ արտասովոր բան լուսանկարել Գիրք գրել Նկարահանվել ֆիլմում Ինչ-որ թանկ բան նվիրել մեկին Մի քանի ժամ հեռախոսով զրուցել 100 մոմերով ռոմանտիկ ընթրիք կազմակերպել Անտառում վայրի գազան տեսնել ու լուսանկարել 7 օրից ավել տևող արշավի մասնակցել 7 օր շարունակ ճանապարհորդել գնացքով Ինքնաթիռ նստել Զգացմունքների առատությունից ջարդել ամանեղենը Մի ամբողջ շաբաթ լավ տրամադրություն ունենալ Գնել շատ թիթեռնիկներ ու բաց թողնել Այցելել օպերա Շատ էկզոտիկ ուտեստ ուտել Երկնքում գտնել սեփական աստղը Գնել ավտոմեքենա և շրջել Եվրոպայով մեկ Ամուսնանալ սիրած էակի հետ Պատրաստել սեփական կայքը Երգել կարաոկեում Մենակով մի ամբողջ տորթ ուտել Ամբողջ օրը գիրք կարդալ Ինչ-որ մեկին օգնել շատ կարևոր գործ անել Միևնույն ֆիլմը 5 անգամ սկզբից մինչև վերջ նայել Մասնակցել ներկայացմանը Շատ լավ ակումբում ամբողջ գիշեր պարել Թողնել ծխելը Ավազե դղյակ պատրաստել Լինել ավելի քան 10 երկրում Ատել ինքդ քեզ, իսկ հետո սիրել Ծանոթանալ հայտնի մարդու հետ Ուղղել շատ լուրջ սխալը Գտնել սիրած մասնագիտությունը Շատ բարձր երաժշտություն միացնել ու վայելել Երեք ժամ անընդմեջ լաց լինել 10 ծառ տնկել Գրել ու ձայնագրել երգ Մեծ քանակով մարդկանց առջև ելույթ ունենալ Մասնակցել ֆոտոսեսսիայի Երեք հարկանի տորթ թխել Մասնակցել գանձերի որոնմանը Սիրած մարդու համար շատ մեծ անակնկալ պատրաստել Ներկա գտնվել սիրած երգչի համերգին Ողջ օրը քրքրել Photoshop-ը Առանց առիթի մի մեծ ծաղկեփունջ նվիրել մայրիկին Լողալ-անցնել լիճը Անսովոր հարսանիք ունենալ Մի քանի ժամում հաստափոր գիրք ընթերցել Լվանալ ամանների մի հսկա կույտ Ներել շատ մեծ պարտք Կիսվել անձնական գաղտնիքով Լավ ու անհրաժեշտ խորհուրդ տալ ընկերոջը Հեռախոսով անծանոթ մարդու հետ ծանոթանալ Ընկերանալ արտասահմանցու հետ Շուրջերկրյա ճանապարհորդություն կատարել Այցելել Իբիցայի Cafe Del Mar-ը Փորձել իսկական ճապոնական թեյ Մի քանի օր ապրել անապատում Լեկցիայի նստել Օքսֆորդում Գնալ էկզոտիկ կղզի ԱՄՆ-ում դիմավորել Հելլոուինը Լաս Վեգասում կազինո խաղալ Լինել Հոլիվուդում Վիեննայում դասական համերգ լսել Պառկել ծովափին մի բաժակ գինով ու վայելել ալիքների ձայնը Ճանապարհորդել ավտոստոպով Հավաքել սեփական գրադարան Դառնալ միլիոնատեր Այցելել Սթոունհենջ Այցելել աշխարհի բոլոր հրաշալիքները Գնալ Դիսնեյլենդ Այցելել Տիբեթ Հայտնվել ջունգլիներում Լողալ Նեղոսում Դիպչել բուրգերին Տեսնել հոլիվուդյան ֆիլմի նկարահանումներ Սովորեցնել թութակին խոսել Առնվազն հինգ օտար լեզու սովորել Ապրել Ֆրանսիայի հարավում Բացել սեփական բարը Հանդիպել դասընկերների հետ 20 տարի հետո Մեքսիկայում տեկիլա ըմպել Երեկոյան զբոսանք կազմակերպել Մադրիդում Ներկա գտնվել արաբական հարսանիքի Գնել իսկական ճապոնական կիմանո Հանդիպել աֆրիկյան վայրի ցեղերի Տեսնել չինական պատը Լոնդոնում թեյ խմել Թերթի համար հոդված գրել Ապրել լիարժեք ու երջանիկ:
Մի ծեր և իմաստուն գնչու մի օր ասած իր թոռնիկին. -Ամեն մարդու մեջ երկու գայլ է ապրում`սև և սպիտակ: Այդ գայլերը միշտ պայքարում են միմյանց դեմ: Նրանցից մեկը`սևը,խորհրդանշում էՉարիքը,նախանձը,խանդը,եսասիրությունն ու կեղծիքը: Իսկ մյուս գայլը`սպիտակը,ցույց է տալիսԲարիքը,խաղաղությունը,սերը,հույսը,ճշմարիտը,հավատարմությունը: Պապիկի ազդեցիկ խոսքերից հետո թոռնիկը միամտորեն հարցրեց. -Իսկ որ գայլն է վերջում հաղթում?Սպիտակը,թե Սևը? Ծեր պապիկը ժպտաց և պատասխանեց. -Միշտ հաղթում է այն գայլը,ում դու կերակրում ես…
Կարծում եմ շատ հետաքրքիր է ստացվել ու ժամանակն է արդեն մտածել նմանատիպ սցենարով հայկական ֆիլմեր նկարելու մասին: Թե չէ հոգնեցինք արդեն համակարգչային էֆեկտներից զուրկ հայկական ֆիլմերից:
Եթե ցանկանում եք պարզել, թե որ կայքերի վրա եք ավելի շատ ծախսում ձեր թանկարժեք ժամանակը, ապա խորհուրդ եմ տալիս տեղադրել Google Chrome-ի համար նախատեսված այս հավելվածը: Հավելվածի միջոցով կարող եք գրաֆիկորեն տեսնել այցելած բոլոր կայքերը և դրանց վրա ծախսած ժամանակը: Հնարավորություն կա տեսնել մեկ օրվա կամ հավելվածը տեղադրելու սկզբից սկսած վիճակագրական տվյալները:
Հավելվածը ավելացնելու համար սեղմեք ներքևի հղումի վրա ու տեղադրեք այն: Այնուհետև ցանկացած ժամանակ սեղմեք Google Chrome դիտարկչի վերևի աջ անկյունում գտնվող հավելվածի նշանի վրա ու տեսեք տվյալ պահի դրությամբ վիճակագրությունը:
Վերջին շաբաթներում շատ էր խոսվում Գուգլի այս նոր նախագծի մասին: Այն օգտագործողներին հնարավորություն է տալիս ֆայլերը տեղադրել Google-ի սերվերների վրա և ամենուրեք հասանելիություն ունենալ այդ ֆայլերի նկատմամբ (Dropbox-ի նման): Google-ը սկզբնական տալիս է 5ԳԲ ազատ տարածք, ինչը հետագայում կարող եք շատացնել որոշակի գումար մուծելով: Google Drive-ը հասանելի կլինի ինչպես վեբ ինտերֆեյսի միջոցով, այնպես էլ Windows, Mac, Android և iOS համակարգերում:
Եթե ցանկանում եք օգտվել Google Drive ծառայությունից, ապա այցելեք այստեղ և սեղմեք Notify Me: Այնուհետև որոշ ժամանակ անց կստանաք նամակ Ձեր էլ. փոստի վրա, որի շնորհիվ կարող եք մուտք գործել համակարգ:
Այսօր՝ մարտի 4-ին, 1923Turk հակերի կողմից կոտրվել է blackproject.am կայքը: Իսկ B0T_25 հակերի կողմից կոտրվել է այսօր մեկ, իսկ երեկ 3 կայք: Կայքերը հետևյալն են՝
Հայ Anonymouse Anti Global հաքերային խումբը, գրոհել է արդեն ադրբեջանական բանկի երրորդ կայքը: Գրոհված կայքի հասցեն հետևյալն է Banki.az , նշեմ որ այս կայքը նունպես ոչ մի վնայ չի կրի, ուղղակի բացահայտ կցուցադրվի login և password: Իսկ նախորդ երկու կոտրված կայքերի մասին գրառումները կարող եք կարդալ հետևյալ հասցեներով՝
Այսօր Anonymouse Anti Global հաքերային խումբը տեղեկացրեց, որ կոտրվել է ադրբեջանական բանկի կայքը՝ http://banks.az , իհարկե կայքը ոչ մի վնաս չի կրել, ուղղակի կոտրվել է կառավարման համակարգը:
Anonymouse-Այս քայլին գնում ենք ադրբեջանցիների նամակների պատճառով: Մեջբերում եմ. "հայերը այդքան չկան, որ լուրջ կայքեր կոտրեն", այդ ամնեը Մեզ շատ է ջղայնացնում, կայքը կկոտրվի և կցուցադրվի "որ Մենք այդքան կանք, եղել Ենք և կլինենք"
Այսօր մարտի 9-ն է՝DJ-ների համաշխարհային տոնը:Քանի որ ինքս պատասխանատու եմ ձեզ տեղյակ պահել աշխարհի տոների մասին և քանի որ մենք մեր կայքում ևս ունենք այնպիսի անձ,որն այս տոնի հիմնական «մեղավորներից» է,ուզում եմ հանձինս նրա՝ DJ-Shef-ի Status4ka.am-ի անձնակազմի և օգտվողների կողմիցշնորհավորել աշխարհի բոլոր DJ-ներին և ուժ,եռանդ ու ստեղծաքործական բեղուն շրջան մաղթել:
2003 թվականին Միքայել Պողոսյանը ստեղծեց մի ֆիլմ, որը էն քիչ ֆիլմերից է, որոնք մինչև հիմա նայվում են ու մինչև հիմա իրականությանը համաատասխան են... Ես շատ բան չեմ ասի էս ֆիլմի մասին, մենակ մի բան. Եթե չեք նայել <<Երևան ջան>> ֆիլմը, ԱՆՊԱՅՄԱՆ նայեք, ժողովուրդ, այ լրիիիիվ, լրիիիիվ նույն հիմիկվա իրականությունն ա...))))))) հրաշք ֆիլմ ա...չեք փոշմանի, նայեք(6 մասն էլ դրված ա ստորև)... P.S. Մի տենց դեմք ընդունեք. 6 մասից է, բայց ամեն մասը 11-12 րոպե ա, հանգիիիստ նստեեեք ու վայելեք
Շնորհավորում եմ բոլոր աղջիկների մարտի 8-ը: Եղեք երջանիկ, ուրախ, եղեք ակտիվ, և ամենակարևորը սիրեք և լսեք ձեր ծնողներին. չէ որ դուք նրանց արքայադստրերն եք և նրանք ուզում են տեսնել ձեզ միշտ երջանիկ:
Մարտի 7-ին Apple ընկերությունը ներկայացրեց 3-րդ սերնդի iPad-ը: Նոր մոդելը 2-րդ iPad-ի հետ համեմատած ունի մի քանի առավելություններ: Տեսնենք, թե ինչ է ավելացել կամ փոփոխվել՝
A5x պրոցեսոր
Զգալի բարելավվել է երկչափ և եռաչափ պատկերների մշակումը և ցուցադրումը:
Նոր էկրան
Retina անվանումով նոր դիսփլեը այժմ ցուցադրում է 2048x1536 պիկսել (1024x768-ի փոխարեն): Դիսփլեյի գույները ավելի են բարելավվել և պատկերները ավելի իրական են թվում: էկրանի ֆիզիկական չափսերը մնացել են նույնը:
Տեսախցիկ
Փոփոխության է ենթարկվել նաև հետևի տեսախցիկը: Այն այժմ 5 մեգապիկսել է: Տեսախցիկով արդեն հնարավոր է նկարահանել FullHD 1080p վիդեոներ:
Կապ
Բացի Wi-Fi և 3G կապի միջոցներից, նոր iPad-ում ավելացել է նոր սերնդի կապի միջոց, որը կոչվում է 4G LTE:
Մարտկոց
Պլանշետը կարող է առանց վերալիցքավորման աշխատել 10 ժամ, իսկ 4G LTE կապի դեպքում` 9 ժամ:
Չափսեր և քաշ
Մարտկոցի փոփոխման հետևանքով iPad3-ը 0.6 միլիմետրով հաստացել է և այժմ պլանշետի հաստությունը կազմում է 9.4 միլիմետր: Պլանշետի քաշը 25 գրամով շատացել է և այժմ կազմում է 635 գրամ:
Գին
3-րդ սենդի iPad-ը կվաճառվի iPad2-ի գնով: Իսկ iPad2-ի գինը բնականաբար կնվազի: ԱՄՆ-ում և մի քանի երկրներում պլանշետը վաճառքում կհայտնվի մարտի 16-ից:
Windows օպերացիոն համակարգի beta (Consumer Preview) տարբերակը, որը ներկայացվել էր Բարսելոնայում կայանալիք Mobile World Congress 2012-ի (Համաշխարհային Շարժական Ցուցահանդես) ժամանակ, մեծ հետաքրքրություն է առաջացրել օգտագործողների մոտ: Ըստ Microsoft ընկերության հրապարակած տվյալների՝ Windows 8-ի Consumer Preview տարբերակի ներկայացման առաջին օրվա ընթացքում բեռնումների քանակը գերազանցել է մեկ միլիոնը: Windows 8-ը հանդիսանում է ունիվերսալ օպերացիոն համակարգ, որով հնարավոր է կառավարել համակարգիչներ, պլանշետային համակարգիչներ և նոութբուքեր: Ենթադրվում է, որ նոր պլատֆորմը կլինի ավելի արագ , քան նախկին տարբերակները:
Եթե դեկտեմբերի 8-ից 18-ը Ճապոնիայում կայանալիք ֆուտբոլի աշխարհի ակումբային առաջնության եզրափակիչ հասնեն Սանթոսն ու Բարսելոնան, ապա Սանթոսի կազմում հանդես կգա ֆուտբոլի արքա Պելեն, որը հոկտեմբերին կդառնա 71 տարեկան: Դրա հնարավորությունը չի բացառել Սանթոսի ղեկավարությունը` վերջնական որոշումը թողնելով թիմի գլխավոր մարզիչ Մուրիսի Ռոմալյուին, հաղորդում է Sport-express.ru-ն:
Լեգենդար արգենտինացի ֆուտբոլիստ եւ մարզիչ Դիեգո Մարադոնան վթարի է ենթարկվել: Միջադեպը տեղի է ունեցել Բուենոս-Այրեսի արվարձանում, ֆուտբոլիստի տնից ոչ հեռու, հայտնում է CNN-ը:Ֆուտբոլիստի ամենագնացը բախվել է ավտոբուսին: Մարադոնայից բացի, մեքենայում եղել է վերջինիս քաղաքացիական կինը` Վերոնիկա Օխեդան: Նրանք երկուսն էլ ստացել են թեթեւ մարմնական վնասվածքներ: Հիվանդանոցում համապատասխան զննության ենթարկվելուց հետո ամուսինները տուն են գնացել:
Հարգելի հայրենակիցներ
ս/թ մարտի 19 -ին Հուսո առագաստ բարեգործական հիմնադրամը կազմակերպում է բարեգործական համերգ ի աջակցություն հնգամյա Քրիստինեի բուժման:
Սիրելի հայեր ձեռք բերելով համերգի մեկ տոմս Դուք Ձեր բարոյական և ֆինանսական աջակցությունը կցուցաբերեք փոքրիկ Քրիստինեին:
Տոմսերի ձեռքբերման համար խնդրում ենք զանգահարել
010 209-806, 077 50-55-12
Տոմսի արժեքը 2000 դրամ է:
«Ռեփ լուրերի» ստեղծագործական խումբը ներկայացրել է հերթական տեսանյութը, որը նվիրված է «Եվրատեսիլ 2012»–ի վերաբերյալ հայ երգիչ–երգչուհիների ընդունած վերջին որոշմանը, ըստ որի Բաքվում այս տարվա մայիսին անցկացվելիք մրցույթը բոյկոտվում է։ Ներկայացնում ենք տեսանյութն առանց մեկնաբանությունների:
Երեկ ԹՈՒՄՈ Ստեղծարար Տեխնոլոգիաների կենտրոնում ավարտվեց փետրվարի 10-ին մեկնարկած Ռոբոտիքս դասընթացը: Դասընթացին մասնակցում էին մրցութային հարցին ճիշտ պատասխանած եւ ամենակարևորը մասնակցության իրենց հիմնավորմամբ ընտրված 12-18 տարեկան 60 երեխաներ, որոնց մեջ ընդգրկված էի նաև ես:
Դասընթացի ընթացքում սովորեցինք նախագծել և ծրագրավորել LEGO Mindstorms ռոբոտները՝ օգտագործելով LEGO Mindstorms NXT-G գրաֆիկական լեզուն: Դասընթացը տևեց 12 օր, որի ընթացքում ստացանք հիմանարար գիտելիքները ռոբոտների ծրագարավորման մասին:
Ռոբոտիքսի դասերը վարելու համար Իսպանիայից հրավիրվել էր հատուկ մասնագետ Ջուզեպ Ֆարգասը, ով 1991 թ-ից հիմնել ու ղեկավարում է DTEC Consulting ընկերությունը: Ես անչափ շնորհակալ եմ նրան իր գիտելիքները մեզ փոխանցելու համար:
Վերջում տեղի ունեցավ հանրային ցուցադրում, որի ընթազքում յուրաքանչյուր խումբ ներկայացրեց իր նախագիծը: Ահա մի քանի նկարներ և վիդեո, որտեղ ես և մեր խմբի տղաները ներկայացնում ենք մեր նախագիծը:
Google համաձայնվել է իր Chrome վեբ-բրաուզերում տեղադրել «չհետևել» կոճակը, որը թույլ կտա օգտատերին սահմանափակել իր առցանց գործողությունների մասին տեղեկությունների հավաքագրումն ու տարածումը, հայտնում է Bloomberg գործակալությունը:Google Chrome-ի համար ընդլայնումը թույլ կտա անջատել տեղեկատվության հավաքագրումը օգտատերի այցելած կայքերի մասին, հայտնում է ՌԻԱ Նովոստին լրատվական գործակալությունը: Միացման դեպքում ֆունկցիան կգործի մշտապես Chrome-ի օգտագործողների այցելած բոլոր կայքերի համար:Համաձայնվելով տեղադրել «չհետևել» կոճակը՝ Google-ը սատարում է ԱՄՆ նախաձեռնությանը ինտերնետ օգտագործողների անձնական տվյալների պաշտպանության մասին, որը կարևոր է և՛ ընկերության, և՛ օգտագործողների համար:
Երգչուհի Նունե Եսայանը դեմ է, որ Հայաստանը մասնակցի Բաքվում անցկացվող «Եվրատեսիլ 2012» երգի մրցույթին: Tert.am-ի հետ զրույցում նա նշեց, որ երեկ տարածած հայտարարության տակ նաև ինքն է ստորագրել:
Հիշեցնենք, որ երեկ մի խումբ երգիչներ հայտարարություն են տարածել, որով կոչ են անում Եվրոպական հեռարձակողների միությանը և Հայաստանի Հանրային հեռուստաընկերությանը հրաժարվել Բաքվում կայանալիք երգի մրցույթին մասնակցելուց: Դա տեղի է ունեցել այն բանից հետո, երբ երեկ հայ-ադրբեջանական շփման գծում ադրբեջանցի դիպուկահարի գնդակից սպանվեց 20-ամյա Ալբերտ Ադիբեկյանը:
Նունե Եսայանը չգիտեր, թե կոնկրետ բոյկոտ հայտարարելու նախաձեռնությունն ումն է եղել. «Չգիտեմ, հավանաբար Հ1-ն է նման որոշում կայացրել», - ասաց նա և պնդեց, որ ամենաուժեղ զենքն արհամարհանքն է:
Սոնա Շահգելդյանն այդ հայտարարության մասին այսօր էր լսել և չէր միացել դրան: Մեզ հետ զրույցում նա ասաց, որ իր տեղեկությամբ բոյկոտին մասնակցել է ընդամենը մի քանի երգիչ: Ինչ վերաբերոմ է իր կարծիքին, ապա նա նշեց, որ ի սկզբանե դեմ չի եղել երգի մրցույթին մասնակցությանը:
«Ես երկու տեսակետ ունեմ, պետք չէ մոռանալ, որ մենք խնդիր ունենք Ադրբեջանի հետ, բայց միևնույն ժամանակ կարելի է այս կերպ ներկայացնել մեր երգն ու մշակույթը և ինչու չէ նաև ապացուցել, որ մենք ամենից լավն ենք», - ասաց նա:
Իսկ պատճառաբանությունը, որ հերթական զինվորն է սպանվել, Սոնան երկմտեց, ըստ նրա` դիպուկահարների կողմից զինվորին սպանության այս դեպքը միակը չէ:
Դավիթ Ամալյանի կարծիքը նույնպես հանրայինը հաշվի է առել և նրան նույնպես տեղեկացրել ստորագրության մասին: Երգիչը նշեց, որ ինքը նրանց տվել է այն պատասխանը, ինչ մեզ կասի. «Ես այդպես էլ չեմ իմանում գնալ, թե ոչ: Այն կարծիքին եմ, որ եթե թույլ ենք մասնակցելու և ասելիք չունենք, ապա ավելի լավ է չմասնակցենք, եթե բում ենք անելու, ապա ինչու ոչ», - ասաց նա:
Ըստ երգչի` սխալ է պատճառաբանել, թե Ադրբեջանը թշնամի է և այդ պատճառով հրաժարվում ենք, ինչ վերաբերում է ֆիզիկական անվտանգությանը, ապա այստեղ արդեն «հաշվի պետք է առնել»: Կոնկրետ Դորիանս խմբի երգի հարցում Ամալյանը չի կարծում, որ դա բումի երգ է, չնայած, որ շատ է հավանում այս խումբը: Երգիչը նույնիսկ մասնակցելու համար երգ է փորձել գրել` թաքնված կռվի, մարդկային գիտակցության, կռվում կորցրած ընկերների մասին:
«Կուզեի, բայց չկարողացա, չգիտեմ ինչու, դուխս չհերիքեց, թե ինչ»,- ասաց նա:
Սիլվա Հակոբյանի հայրն ու պրոդյուսերը` Հակոբ Հակոբյանը, նույնպես տեղյակ էր հատարարությանը և եթե նախապես կարծում էր, որ պարտադիր պետք է մասնակցեն, ապա վերջին իրադարձություններից ելնելով` արդեն մտափոխվել է:
«Այստեղ ոչ թե խնդիրն այն է, որ Հայաստանը վախենում է, այլ ուղղակի շատ կլիներ նրանց համար», - ասաց Հակոբ Հակոբյանը:
Tert. am-ի հետ զրույցում Եվրոպական հեռարձակողների միության հայաստանյան ներկայացուցչության նախագահ Գոհար Գասպարյանը հրաժարվեց մեկնաբանել այն կարծիքները, թե Հանրայինի նախաձեռնությունն է չմասնակցել երգի մրցույթին: Նա պնդեց, որ նախաձեռնությունը մտավորականներինն ու երգիչներինն է եղել:
Նա հստակեցրեց հայտարարության ցուցակի մասնակիցների անունները` Արթուր Գրիգորյան, Նունե Եսայան, Հայկո, Արթուր Իսպիրյան, էմմի, Նադեժդա Սարգսյան, Վարդան Բադալյան, Լիլիթ Հովհաննիսյան, Արման Հովհաննիսյան, Ալլա Լևոնյան, Եվա Ռիվաս, Արամո, Էմմա Պետրոսյան, Ռազմիկ Ամյան, Արսեն Գրիգորյան (Մրո) և այլն:
Հայտարարության տակ ստորագրությունների թիվը, ըստ նրա, աճում է:
Խորհրդային միության տարիներին փետրվարի 23-ը նշվում էր որպես բանակի զինված ուժերի եւռազմածովային նավատորմի օր: Խորհրդային բանակն իր գոյության ընթացքում ապրեց ինչպեսդժվարին, այնպես էլ փառավոր ժամանակներ: Հայրենիքի պաշտպանի օր դարձած տոնն այժմ քչերնեն հիշում:
Շնորհավորում եմ Բոլորիս տնեցիներին, պապիներին հատկապես: Այսօր նրանց տոնն է: Շնորհավոր Սովետական Բանակի օրը!!!
Կարող եք գրել Ձեր բարեմաղթանքները և շնորհավորել բոլոր նրանց `ում տոնն է այսօր: Գրեք հետաքրքիր դեպքեր կապված այսօրվա հետ: ))
Դեզոդորանտի օր. այսպես են անվանել տղամարդիկ փետրվարի 23-ի տոնը: Կանացի երեւակայությունը տոնի նախօրեին քուն է մտնում: «Վեստեյ FM»-ի թղթակիցը կազմել է ամենաանհեթեթ եւ ամենացանկալի նվերների ցուցակը, որոնք մատուցվում են փետրվարի 23-ին:
Այդ օրը կատակով անվանում են «տղամարդու դեզոդորանտի օր», իսկ մարտի 8-ը` «տղամարդու դեզոդորանտի համար վրեժի օր»: Եւ ուրեմն, որպեսզի տղամարդիկ հետագայում «չարդարանան», չարժե նրանց նվիրել լոգանքի համար նախատեսված հեղուկ, սափրվելու համար նախատեսված փրփուր, լոսյոն կամ շամպուն: «Նվերներ` ձեւի համար» դասակարգում ներառված են նաեւ ալկոհոլային խմիչքները, նկարների համար նախատեսված շրջանակներն ու գրիչները: Եթե դուք տղամարդու կինը չեք, այլ նրա կոլեգան կամ ընկերուհին, ապա նրան փարֆյում, գոտի կամ դիզայներական վերնաշապիկ նվիրելը եւս ճիշտ չէ: Նման իրեր ընտրում է կամ կինը, կամ էլ անձամբ ամուսինը, ապավինելով սեփական ճաշակին:
«Ամենաչար թշնամին» դա փողկապն է: Փողկապները, որոնք որպես նվեր են մատուցվում փետրվարի 23-ին, հերթապահ նվերներ են, որոնք ոչ ոք չի կրում: Նման նվերը ցույց է տալիս, որ դուք տղամարդուն բացարձակապես ֆորմալ կերպով եք վերաբերվում: Կախազարդեր, ճարմանդներ, կրակայրիչներ կամ պարանոցի թաշկինակներ նվիրելով դուք ոչ մեկին չեք զարմացնի: Ֆիտնես-քարտ, գանտելներ նվիրելը կհուշի, որ դուք ակնարկում եք, որ հարկավոր է արտաքինը կարգի բերել:
Տղամարդկանց ցանկալի նվերներից են, որքան էլ տարօրինակ հնչի, գրքերի հազվագյուտ հրատարակությունները, սիրելի ֆիլմերի ընտրանին:
Լավ նվերը սիրելի խմբի համերգի կամ սիրելի ֆուտբոլային թիմի տոմսն է: Իսկ ամենացանկալի նվերը տղամարդը համարում է մոմերի ներքո ռոմանտիկ երեկոն: Այսպիսի շնորհավորանքից հետո կինը կարող է լիահույս լինել, որ մարտի 8-ին կստանա ավելին, քան յասամանի հոտով դեզոդորանտը:
Փետրվարի 23,հունվարի 28...Սովետական և հայկական բանակի օր...
Խեղճ տղաներ,որոնք ոչ ծառայել են,ոչ էլ դեռ տարիքն է լրացել...Նրանց չեն շնորհավորում:Ծառացած մտածելակերպ էր,դպրոցներում տղաների տոնն էին նշում,հիմա էլ անընդհատ շեշտում են,որ նրանք չեն ծառայել...Բայց ինչ կա՞...Շնորհավորեք էլի...Ու հիմնականում դասղեկները թույլ չեն տալիս աղջիկներին դասարանի տղաների համար ինչ-որ բան գնել...Ես համակարծիք չեմ:Ճի'շտ է,նրանց տոնը չէ,բայց ես կարող եմ իրավունք վերապահել իմ և ադմինիստրացիայի անունից շնորհավորել մեր հայ տղաների տոնը..Ճիշտ է,կան վատ երևույթ տղաներ`քյարթուներ,ռաբիսներ,ալկոհոլից կախվածներ,բայց լավերն էլ կան չէ՞...Շնորհավոր լավերի տոնը :D
Ճապոնիայի ափամերձ շրջաններում տեղի բնակիչներին ցունամիներից պաշտպանելու համար կտեղադրեն տապաններ: Այսպիսի հայտարարությամբ է հանդես եկել Ճապոնիայի պետական հողերի, ենթակառուցվածքների և տրանսպորտի նախարարությունը:
Անցած տարվա մարտին 9.0 մագնիտուդով ավերիչ երկրաժարշից հետո, ափամերձ շրջանների շատ բնակիչներ չէին կարողացել փրկվել ցունամիից: Նրանց մեծամասնությունը պատսպարվել էին տանիքներին և այլ բարձր հատվածներում` կտրված լինելով արտաքին աշխարհից, գրում է vz.ru-ն:
Այսպես, Ճապոնիայի իշխանությունը նախատեսել է լրացուցիչ միջոցներ ստեղծել` մասնավորապես տապաններ` ցունամիների կրկնվելու դեպքում: Հատուկ «փրկարար» նավերից յուրաքանչյուրում տեղավորվում է 20-50 մարդ: Յուրաքանչյուր տապանում կլինի սննդի և այլ անհրաժեշտ իրերի պաշար:
Դրանք կկառուցվեն դպրոցների և ծերանոցների մոտակայքում: Տեղեկանալով հնարավոր ցունամիի մասին` մարդիկ կարող են թաքնվել այնտեղ և անցկացնել մի քանի օր: Ընդ որում նավը դիմացկուն կլինի բեկորների հարվածներին:
Հավելենք, որ Ճապոնիայի նախարարությունում նախատեսվում է պատրաստել փրկարար նավերի նախագիծը:
Արգենտինայի մայրաքաղաքի կենտրոնում տեղի ունեցած երկաթուղային վթարի հետևանքով առնվազն 49 մարդ զոհվել և 550 մարդ վիրավորվել է, այս մասին հաղորդում է BBC-ն:
Դեպքը տեղի է ունեցել առավոտյան պիկ ժամին` Բուենոս–Այրեսի կենտրոնի Once երկաթուղային կայարանում:
Ըստ տեղեկությունների, գերծանրաբեռնված բազմամարդ գնացքը, չկարողանալով արգելակել` բախվել է արգելափակոցներին:
Տեղական իշխանությունների նախնական պաշտոնական տվյալների համաձայն` տասնյակ մարդիկ դեռևս փակված են ճզմված վագոններում, երբ հնարավոր լինի այդ վագոններում գտնվողներին հասնել` զոհերի թիվը կարող է աճել:
Süddeutsche Zeitung-ը` Գերմանիայի խոշորագույն օրաթերթը, անդրադառնալով Բաքվում սպասվող «Եվրատեսիլ» երգի մրցույթին` գրում է, որ Ադրբեջանը ցանկանում է մրցույթը քաղաքական նպատակներով օգտագործել: Ըստ թերթի` Ադրբեջանը հոյակապ, բայց ավտորիտար երկիր է, իսկ մրցույթը հեռարձակող հեռուսատաալիքներին կոչ է անում չմոռանալ, որ դժվար է լինում զանազանել երաժշտությունն ու քաղաքականությունը:
Այնուհետև նկատվում է, որ Ադրբեջանի վրա այս մրցույթի կազմակերպչի դերը գործնականորեն օդից է ընկել, ի տարբերություն նույնպես ոչ ժողովրդավարական Ղազախստանի, որի վրա Արևմուտքը, միանգամայն գիտակցված, 2 տարի առաջ դրեց ԵԱՀԽ-ն նախագահող երկրի պարտականությունները:
Թերթը նկատում է, թե Ադրբեջանի իշխանությունները, բնականաբար, ցանկանում են Եվրոպային ի ցույց դնել փայլուն ու բաց երկիր, որը կարող է գլուխ բերել նման բարդ միջոցառման կազմակերպումը: Բայց դրա հետ մեկտեղ հիմա ջրի երես են դուրս գալիս շատ այնպիսի բաներ, որոնք մինչ այժմ Եվրոպայում հազիվ թե որևէ մեկին հետաքրքրեին, առավել քիչ` երաժշտական աշխարհին. այնտեղ բացակայում է մամուլի ազատությունը, վարչակարգի քննադատությունը, քաղաքական հակառակորդներին հետապնդում են, իսկ ժողովրդավարության մասին ընդհանրապես խոսք լինել չի կարող:
Նաև բնակելի շենքեր են քանդվում. հազարավոր մարդիկ են տեղահանվել, որպեսզի մրցույթը հնարավոր լինի անցկացնել փքաշուք դահլիճում:
Թերթը հիշում է մի ադրբեջանական թերթի ասածը, որը Մարդու իրավունքների հարցերով Գերմանիայի կառավարության լիազոր ներկայացուցչին «հարբած» էր անվանել, երբ նա Ադրբեջանից պահանջել էր ազատ արձակել քաղբանտարկյալներին:
Այնուամենայինվ, Süddeutsche Zeitung-ը կարծիք է հայտնում, թե մրցույթի բոյկոտումը երգիչների կողմից քիչ օգուտ կտար. դրանից ռեժիմը քննադատողների համար թերևս ավելի հեշտ չէր լինի: Սակայն, ճիշտ չէ նաև այն, նկատում է հոդվածագիրը, որ ARD հեռուստաընկերությունն ու Եվրոպական հեռարձակողների միությունը առաջվա պես երդվում են, թե երաժշտությունն ու քաղաքականությունը տարանջատված են: Նրանք խոսում են զուտ երաժշտական միջոցառման մասին` ստիպելով, որ դա նվաղի ստերիլ ապաքաղաքականածվածության միջև:
Բաքվի իշխանությունները չեն կարող պատշաճ կերպով տարանջատել երկու բաղադրիչները, եզրակացնում է Süddeutsche Zeitung-ը, ընդհակառակը նրանք ցանկանում են «Եվրատեսիլն օգտագործել» իրենց քաղաքական նպատակների համար: Այնուհետև գերմանական հեռարձակող հեռուստաալիքին կոչ է արվում առնվազն առանց ամաչելու քննադատել դրությունն Ադրբեջանում և մանրամասն հայտնել ծրագրված այլընտրանքային` Sing for democracy հակաեվրատեսիլյան նախաձեռնության համերգի մասին:
Անբողջովին փոխարինել են շինպանզեից տուժած ամերիկուհու դեմքը: Համարյա 100-կիլոգրամանաոց ընտանի շիմպանզեն 2009թ. փետրվարին Ստեմֆորդ քաղաքում հարձակվել էր 57-ամյա Չարլա Նեշի վրա, երբ վերջինս եկել էր ընկերուհու մոտ ,որպեսզի նրան օգնի փողոցից տուն բերելու Տրեվիս շիմպանզեին, որը նկարահանվել էր մի քանի գովազդային հոլովակներում: Վիրահատությունը կատարվել է Բոստոնի Brigham & Women հիվանդանոցում և տևել է մոտ 20 ժամ, վիրահատությանը մասնակցում էին ավելի 20 վիրաբուժ, բուժքույրեր և անեսթիզիոլոգներ: Երբ Նեշը փորձել է շիմպանզեին գայթակղել խաղալիքով, կապիկը հարձակվել է նրա վրա: Չարլան զրկվել էր երկու ձեռքերի դաստակներից, քթից, շրթունքներից, կոպերից, գլխուղեղի վնասվածք էր ստացել և ամբողջովին կորցրել էր տեսողությունը: Բժիշկները հրաշք էին համարում նրա ողջ մնալը: Վիրահատության ընթացքում բժիշկները փորձել են փոխպատվաստել տուժողի ձեռքերը, բայց հրաժարվել են այդ մտքից, քանի որ հիվանդի օրգանիզմը չի ընդունել պատվաստը:
Չարլայի եղբայր Ստիվը վիրահատությունից հետո հաղորդեց, որ իր քույրը դեմքի հետ միասին ստացել է նաև ատամներ: Հիմա նա ամենաշատը երազում է համբուրգեր ուտել:
Այժմ Նեշը հրաժարվում է աշխարհին ցույց տալ իր դեմքը, բայց նրա դուստրը ասում է, որ մոր տեսքը "Ֆանտաստիկ է”:
Բժիշկները ասում են , որ Նեշը նման չի ինքն իրեն, հաղորդում է ԻՏԱՌ-ՏԱՍՍ-ը:
Լոնդոնի բնակիչ 5-ամյա Զաք Ավերիի վիրահատությունը համաշխարհային բժշկության պատմության մեջ եզակի դեպք է համարվում, տեղեկացնում է The Telegraph-ը:
Բրիտանացի բժիշկները, երեխայի ցանկությամբ վիրահատությամբ փոխել են նրա սեռը և նրան աղջիկ դարձել:
Երեխայի ծնողների հավաստմամբ` Զաքը երեք տարեկանից նախընտրել է խաղալ կանացի իրերով: Սիրել է տիկնիկներ ու վարդագուն զգեստներ, շպարվել ու դուրս է եկել փողոց:
«Մենք որևէ կասկած չունեինք, կարծում էինք, որ ամեն ինչ բնական է, բոլոր տղաները չէ, որ մեքենաներով են խաղում: Սակայն, մեկ տարի առաջ, հանկարծ Զաքը լացելով մոտեցավ ու ասաց, որ ուզում է աղջիկ լինել», - ասել է երեխայի մայրը` Թերեզա Ավերին:
Մի քանի բժշկական խորհրդատվությունից հետո, ծնողները որոշել են վիրահատել երեխային:
