Microsoft ընկերությունը թողարկեց Windows 8-ի Release Preview տարբերակը: Այս տարբերակից հետո արդեն կթողարկվի Windows 8-ի հիմնական տարբերակը: Փաստորեն Windows 8-ի վերջնական տարբերակը բավականին նման է լինելու այս տարբերակին: Պաշտոնական կայքից այժմ հնարավոր է նաև ներբեռնել Setup ֆայլի տեսքով, որի շնորհիվ հնարավոր է առանց կողմնակի ծրագրերի տեղադրել Windows 8-ը ընթացիկ համակարգչի վրա (այսինքն տեղարդրել ընթացիկ Windows-ի վրա կամ տեղադրել որպես երկրորդական օպերացիոն համակարգ): Իսկ եթե այնուամենայնիվ ցանկանում եք այն տեղադրել այլ համակարգչի վրա կամ տեղադրել վիրտուալ միջավայրում, ապա կարող եք ներբեռնել ISO ֆայլը և ձայնագրել DVD սկավառակի վրա: Վիրտուալ տարբերակի տեղադրման մասին կարող եք կարդալ այստեղ՝ իհարկե օգտագործելով այս գրառումից ներբեռնված ISO ֆայլը: