Բրիտանացի գիտնականներն ստեղծել են շոկոլադե «տպիչ» սարք, որը թույլ է տալիս ստեղծել ցանկացած ձևի շոկոլադե արտադրանք: Այս մասին հայտնում է «-Բի-Բի-Սի»-ն:

Սարքը հիմնված է եռաչափ տպման տեխնոլոգիայի վրա, որն արդեն լայնորեն կիրառվում է պլաստիկ, փայտյա և մետաղյա ապրանքների արտադրության մեջ:

Նմանատիպ սարքավորումներն ստանում են պահանջվող առարկայի եռաչափ պատկերը, այնուհետև համապատասխան նյութով շերտածածկում են՝ չփոփոխելով արտադրության ձևը:

«Մենք բարելավել և պարզեցրել ենք սարքավորումը: Պարզապես պետք է հալեցնել մի քիչ շոկոլադ, լցնել ներարկիչի մեջ և ստեղծել շոկոլադե զանազան արտադրանքներ»,- ասել է գյուտի հեղինակ Լյան Հաոն: