Աշխարհի ամենահարուստ փեսացուներից եւս մեկը հրաժեշտ տվեց իր «ազատ» կյանքին. մայիսի 19-ին Facebook -ի սեփականատեր Մարկ Ցուկերբերգը ամուսնացավ իր վաղեմի ընկերուհու` Պրիսցիլա Չանի հետ: Ըստ Associated Press-ի՝ Մարկը շատ համեստ հարսանիք է կազմակերպել իր սեփական տանը, եւ հյուրերը նախապես չեն էլ իմացել, որ մասնակցելու են հարսանեկան արարողության: Նշվում է, որ Մարկն իր կնոջ հետ առաջին անգամ ծանոթացել է 2004 թվականին: Պրիսցիլան առանձնապես գեղեցիկ արտաքին չունի, ու չի էլ հետեւում միլիարդատերերի օրինակին, նա պլաստիկ վիրահատությունների չի ենթարկվում, որ գեղեցկացնի, շտկի արտաքինն ու մարմնի բարեմասնությունները… Հենց այդ պատճառով էլ, Մարկը ամուսնացել է ամենասովորական տնային տնտեսուհու արտաքին ունեցող աղջկա հետ` խոստովանել է Facebook -ի սեփականատերը:
|
Դերասան Ջեկի Չանը Կաննի միջազգային կինոփառատոնի ժամանակ ասել է, որ այլևս չի նկարվի մարտաֆիլմերում: Հիշեցնենք, որ դերասանը 58 տարեկան է:
Ինչպես գրել է The Daily Telegraph-ը, Չանն ասել է, որ Chinese Zodiac-ը, որ ներկայացվում է կինոփառատոնի ժամանակ, կլինի իր վերջին մարտաֆիլմը:
Դերասանն ասել է, որ ինքն այլևս եիտասարդ չէ, և չնայած սիրում է մարտաֆիլմեր, բայց չի սիրում բռնություն: Նա ծրագրում է կենտրոնանալ առավել լուրջ դերերի վրա: |
Ամերիկյան և գերմանական երկրաբանները հաստատում են, որ իրենք Մեռյալ ծովի տարածքի սեյսմիկ ակտիվության հետազոտությամբ սահմանել են Հիսուս Քրիստոսի մահվան ստույգ ժամանակը։ Այս մասին ուրբաթ օրը հաղորդել է KAI գործակալությունը:
Supersonic Geophysical կազմակերպությունից Ջեֆերսոն Ուիլյամսը՝ Երկրաբանական հետազոտությունների գերմանական կենտրոնի իր գործընկերներ Մարկուս Շվաբի և Ախիմ Բրաուերի հետ միասին, հայտարարել է, որ Քրիստոսի խաչելությունն ու մահը տեղի են ունեցել մեր թվարկության 33 թվականի ապրիլի 3-ին, ուրբաթ օրը:
Գիտնականները սեյսմիկ տվյալները համադրել են Նոր Կտակարանի տեքստի և աստղագիտական հետազոտությունների հետ:
Մեռյալ ծովի շրջանում երկրաշարժի ժամանակագրությունը ցույց է տվել, որ Երուսաղեմից մոտ 20 կմ հեռավորության վրա գտնվող շրջանը հատկապես սեյսմիկ է եղել մեր թվարկության 31 թվականին, ինչպես նաև՝ մեր թվարկության 26 և 36 թվականների միջև:
Ուիլյամսն Ավետարանում նկարագրված մթությունը, որը վրա էր հասել Քրիստոսի մահից հետո, բացատրում է ավազային փոթորիկով, ինչն այդ տեղանքի համար հազվադեպ երևույթ չէ:
|
|
