3DNews ՏՏ Լրատվական – Ericsson ընկերությունը հասավ իր նպատակին՝ բարելավումներ կատարելով HSPA ցանցային տեխնոլոգիաներում: Շնորհիվ այս բարելավումների՝ հաղորդակցման սարքերի միացումը ցանցին կլինի ավելի արագ՝ 3G միացմամբ: Նշվում է, որ նոր տեխնոլոգիան ապահովում է ինտերնետի երկու անգամ արագ ներբեռնում, որը իդեալական պայմաններում կազմում է 12 Մբիթ/վ. արագություն:

Ներկայումս տվյալների ստացման առավելագույն արագությունը HSPA տեխնոլոգիայի շնորհիվ կազմում է՝ 14,4 Մբիթ/վ. իսկ փոխանցման արագությունը՝ 5.8 Մբիթ/վ.: Տեխնոլոգիայի բարելավմանը նպաստել է բազային կայաններում լրացուցիչ ալեհավաքների տեղադրումը: Սակայն բարելավման արդյունքը ձեռք է բերվել ոչ միայն ալեհավաքների, այլ նաև առաջատար ալգորիթմների օգտագործման շնորհիվ:

Ericsson ընկերությունը մտադիր է ցույց տալ իր ցանցային տեխնոլոգիան եկող շաբաթ կայանալիք՝ Mobile World Congress 2012 ցուցահանդեսի ժամանակ, սակայն այս մտադրությունը դեռ վերջնական չէ: